WillkommenSchützenfestNewsTermineKönigeWissenswertesVorstandKontakt

Drapen vun de Plattsnackers in de Gill

Traditschoon warrt in de Eutiner Schüttengill ne blots grot schreven, se warrt ok mit Leven utfüllt!
Wi pleegt de plattdüütsche Spraak un wohrt dat Bruukdom vun uns Heimat.
Hierto hett de Gill dat „Drapen vun de Plattsnackers in de Schüttengill“ in’t Leven ropen, ünner Vörsitt vun den Plattdüütsch-Beopdragten Jens Latendorf.
All Gillbröder, Frünnen un Gäst sünd hartli inlaadt, in een kommodige Runn tosamen to sitten un platt to snacken.

 

Jens Latendorf

Baben an staht de Spoß un de Gemeenschap. Is uns överhaupt ne wichti, wat Du heel nieg bi dat Plattdüütsche büst orrer wat Du dat al beter kannst. Jedeen snackt un list as good as he dat kann.

Bi uns gifft dat keen Huusopgaven, keen Vokabeln. Dat schall een Vergnögen sien för alle, de mitmakt! Un vun Mol to Mol geiht dat een beten beter mit Dien Plattdüütsch.

De Plattdüütsch-Baas Jens Latendorf freit sik, dat de Eutiner Schüttengill mit disse wunnerbore Idee een Bidrag to dat Bewohrn vun een gode Traditschoon maakt.

Wi sünd bi uns Drapen, de an`n ersten un dritten Moondag in`n Maand stattfinnt, so twölf bet veerteihn Plattsnackers. Dor is ok noch een Platz för Di frie!

De tokamenden Drapens sünd an:

17.08. 18.30 Uklei Fährhuus
31.08. 18.30 Uklei Fährhuus
14.09. 18.30 Uklei Fährhuus.
un so wieder.
Jümmers Klock halwig söben, bi Wolfgang Nittritz in't Uklei Fährhuus

Hest Du Lust, mittomaken in uns fidele Runn? Mell Di Di geern
bi Jens Latendorf orrer kam eenfach vörbi an een vun de Maandage!

 

Drapen de Plattsnacker in traditschoneller Atmosphäre in de Gildestöv in't Eutiner Bruhuus